Etne Mållag

Mållaget i Etne har det siste ti-året hatt eit medlemstal mellom 80 og 130.
Eitt år var det like opp i 160.
Gjennom mållaget er dei medlemer i Noregs Mållag, som arbeider for å styrkja nynorsken i media, i skulen, i styringsverket og i alt samfunnsliv.

Å melda seg som medlem, er i grunnen det viktigaste målarbeid den einskilde kan gjera i dag.
Styret i lokallaget tek seg av aktiviteten i nærmiljøet elles.
Medlemskap gjev styrke og betre økonomi til Noregs Mållag, slik at dei kan løysa dei landsomfemnande oppgåvene.

Om Etne Mållag

I 1920 var der eit mållag på Sørstranda som kalla seg «Maallaget Vaar». Det gjekk inn i Etne mållag  då det vart skipa i 1926.

Første formannen i Etne mållag var Sigurd Førsund. I 1920- og -30-åra var det ein beisk målstrid i Etne.
Striden var så hard at val til kommunestyret stod mellom «høgre og riksmålslista» og «venstre og landsmålslista». Slik vart listene nemnde på folkemunne.
Først i 1956 hadde alle skulane i Etne (9) nynorsk som opplæringsmål . Les meir om dette i Jubileumsskriftet til Etne Mållag, som du finn på heimesida her.

Norsk Barneblad og barnebladet «Pirion».

Etne mållag, saman med Haugesund mål- og ungdomslag, gjev kvart år eit halvåsabonnement av Norsk Barneblad til alle sjetteklassingar i gamle Etne herad. På same måte får alle barnehagane bladet Pirion.

Styret i Etne Mållag 2012:

Steinar Aalvik, leiar
Borghild S. Prestegård, kasserar
Jørund Flesland
Roger Nilsen
Liv Tesdal Mjelde